係時候同大家share今次婚禮我用o既服務供應商，100分為滿分。
(Last updated on video on 17 Feb. 09)
較失敗o既一個環節。 成件事最抵讚o既係攝影師韋德老師，佢真係好有心機影。因為第一日天雨，只可以影室內景，不過咁都好，因為呢一輯係我o地第一輯(其實亦係唯一一輯o既婚紗相)，所以我地o既表情都好生硬，但係韋德老師好有心機引導我o地，連噴雪機都出埋，等Honey有得玩，放鬆o的。後來隔o左兩個星期先影外景，今次我地玩得好開心，所以影出o黎o既表情都OK。不過個攝影助理同化妝助理兩個掛住傾，無留心做o野，搞到o的光打得好古怪，我o既頭紗、髮型同個妝都無人執，全部都係我自己睇番。因為我塊面幾方形，化妝師整o左兩個三角形響我個腮位，都幾顯眼，化妝都係麻麻地(後來比較我Big Day化妝師Kami 化o既妝，先發現可以唔要個三角形都V面)。而相簿同隻DVD o既排版簡直唔掂！隻DVD不停有「浪漫」、「溫馨」呢o的字眼飄過畫面，我o地連叫佢執都費事，完全唔可以見人！相簿個設計超「娘」，都無辦法啦，唯有Honey睇佢o既畫面效果，我執佢o既字粒，而且都無特別要求，改兩轉就算數，因為我o地覺得最緊要係o的相，其他o野無大問題就算。
深現勝在夠平，但係如果你讀過o下美術或設計，建議你唔好join佢，無謂激氣。
原先都OK o既，老闆娘好好招呼，亦熟知各項禮儀習俗，鎮得住我兩個發哂茅o既長老，連我婆婆都話o的o野齊！仲晨早就執好我o地訂o既o野。
可惜臨門一腳「撻Q」，就係因為我過禮果日超多單，佢將原先對我好有意思o既「千尺絲蘿欣有約 百年琴瑟喜和鳴」對聯，執錯o左一對「娘」爆o既「鵲橋既駕于歸日 鳳閣催粧正合時」！到我上頭果日老豆準備貼先發現，不過都好彩，無俾對男家o既俾我！
帖同邀請卡都印得快、靚、正，不過落o左款之後佢竟然話無o左邀請卡上面個指紋圖案o既file，要我o地幫佢整過個 (真係應該要問佢收番個layout fee)。
另外揀款果日會展有expo，我o地去佢灣仔店，超多人，個senior sales做到發火，一見到我o地張單，知道係響(之前o既) expo度落o既discount單，就唔願serve我o地。我見其他人有一本本簿o既sample睇，就問佢可唔可以有本果o的sample簿睇呢？點知佢指住其中一塊牆上面o既sample板好大聲咁話：「半價帖係得呢o的o架啦！」佢覺得老闆做呢個優惠，令佢做到發傻，我可以理解，但係我作為一個俾錢o既客，絕對唔能夠接受佢呢種服務態度！你點知我淨係訂半價帖o者？就算我淨係印半價果張，我都要俾錢o架！而事實上，我張邀請卡係要俾正價o既！好彩呢個時候老闆由會展返o黎，我就舉手等老闆serve我。老闆真係快而準，攞本sample簿俾我揀，又三兩下手腳就搞掂屯積響舖裡面o既五、六pairs準新人。不過佢o的staff同製作部唔得，要扣分。
因為迎囍每圍有一枝紅酒，所以我地只係另外訂15枝2007年Bushman’s Gully，夏生仲幫我地提早兩日送上酒樓。可惜有部分酒送o左2008年o既，不過佢都好快換番。
(後面o既餸係屋企團年飯，老豆開o左剩番3支Bushman其中一支o黎宴客)
平，但質素麻麻，鞋頭有膠水乾o左一條出o黎，不過婚紗遮住，而且著一陣無所謂啦。
超靚，都幾好著，不過可能太耐無著高跟鞋，到後尾前腳掌都係有o的痛。
對鞋好大陣膠水o既有機性化合物o既氣味，放響度吹o左個幾兩個禮拜，都係咁勁，好彩著住果陣唔多覺。
Kami化o既妝好natural，如果你要艷麗果隻，佢就唔係你杯茶，不過Kami化o既妝可以將我最靚o既一面表現出來，所以我試一次妝就book o左佢。Big Day前我睇番試妝o的相，發現轉妝到尾聲時o的睫毛液開始染到眼肚，於是Big Day果日我同Kami講，佢即刻有計，幫我用假睫毛而唔係睫毛液，對眼即時變超大，又唔會到o左下午就多一個黑眼圈！而且佢無刻意收尖我塊面，影出來塊面都唔太闊。
整體來講都好好，但係因為呢排超旺，Kami到我Big Day前一晚先打電話同我夾番時間 (我都係果句，千祈唔好響旺季結婚！)而且無乜頭飾揀(因為出哂街，而且我無join佢全日，有o的頭飾佢怕姊妹唔識用，唔租俾我)。
比較遲先夾到時間，又少o左o的頭飾揀，所以扣番o的分。
收到相啦，無大驚喜，四平八穩，要有o既鏡頭都有，相o既質素都好OK。
以事前同當日o既表現來講，Gary都好好。落訂唔需要好多，尾數到收相o既CD同當日片段o既DVD先收。成長片段我o地突然想改一張相，Gary果個星期差唔多日日都有job，佢都幫我o地改，真係唔話得。當日佢同佢o既partners又提點我地各個禮儀程序，亦見到佢地好勤力咁影。Video亦係重要o既鏡頭都有咁啦。但係響室外同酒樓裡面雜聲好多，要開到好大聲先隱約聽到主角講乜。
老闆娘同個個staff都超好！因為我個身形比較古怪，仲揀一件幾蝦人著o既掛頸婚紗，搞到老闆娘Iris要親自出馬幫我final fitting，改到真係靚先走，果晚搞到佢9點鐘，真係唔好意思！佢地一眼就睇得出邊o的衫我著會好睇，反而我自己揀o既試上身又真係無咁好，但係佢地都好樂意俾我試，結果當日o的衫個個都話靚，仲配埋頭飾同頸飾、耳環咁。o的頭飾連化妝師都話靚，我果晚兩件晚裝都用番跟衫o既頭飾(用唔到Kami個新o既藍色閃石頭飾，可惜呀！不過當晚時間太趕，都轉唔到頭o架喇。)尤其果個孔雀羽毛頭飾，襯埋件孔雀綠晚裝，一出場連o的Uncle、Auntie都話好靚，個個撲埋來同我影相。
件褂都係響紫水晶租o既，閃！
成件事最唔掂o既一個環節。先講售前服務。早排佢o地搞o左個講座俾我o地呢o的就到BD o既客仔，講o下當日個程序會係點。會上佢o地話，個場無人用o既時候可以去做rehearsal。伊甸園o既「聲譽」大家都知道係點，於是我做定功課，先上去佢個website check o左邊幾個時段個hall無人用，然後打電話去尖沙咀個場o既office book時間，點知接電話果個姐仔都未check已經話個場full哂，無時間可以俾我rehearsal。我即時話我上過佢地個網check o左有時間，佢先死死地氣叫我留電話同姓乜，但係最重要o既單據編號同我幾時BD佢都無問，當時我已經知道佢根本係敷衍我。結果到「book左」果日，佢o既同事當然係唔知我有book場啦！不過，因為個場無人用，我都爭取到入去rehearse一次，仲有o的屈咁要佢個staff同我o地講一次當日個程序同答我o地o既問題。
至於BD果日，最唔「老o黎」個律師好行貨咁畫完龜就將o的文件fling俾個同事，然後好熟手咁「攝」張意見表要我o地填。嘩！你連張結婚證書都未俾我，都未叫禮成就要我填呢o的垃圾，真係發神經o架！
唯一比較好o既係我o地早到o左，佢都俾間新娘房我用，所以唔「肥」佢啦！
超級推介o既一間擺酒酒樓！我o地早一年前join，菜色好特別，好多親戚都話好少去飲有龍蝦同湯餃食！個甜品仲係雪蛤紅蓮同兩款以前未響其他酒樓見過o既糕點。 個個都話好食！個酒席又有紅酒，又乜都包哂，又有席前蛋糕、fruit punch，五千幾蚊一圍，超值！
服務方面，由部長戴小姐幫我地落單開始就已經好好，佢真係響我o地o既立場去諗，俾o左好多好有用o既advice俾我o地，果日佢都親自出o黎打點。佢o既同事個個都好殷勤咁招呼，有專人幫我地備茶、搬椅，老人家拍照就坐時會扶抱老人家坐好，會幫人拉番好件衫、攞住手袋咁。每個環節都好細心，好多親戚都讚。我特別欣賞佢地做得比我o地期望o既多：特別為我o地做o既banner同放響枱面有我o地張婚紗相o既菜譜(呢個我超鍾意~~)，為我地準備一個新鮮五磅大蛋糕、香檳響七點左右先做一次切餅儀式，個蛋糕即時分俾在場賓客食！個場又靚又闊落，氣氛又好，佢地到最尾甚至無問我地要tips，反而係honey因為好滿意佢地o既service而主動俾貼士！
扣分o既地方係新娘房無秘道出reception，我同Honey出去準備march in果時又無暗燈，結果要經過好多圍枱，個個望住我o地兩個出去，都幾古怪。同埋工作人員叫3碟炒粉麵要收成300蚊，都幾貴。
亦都係果句，如果唔係旺季會好o的。因為吳小姐太忙，我上去揀款同攞襟花果時，都有好多人響度，搞到佢有o的應接不暇。不過吳小姐o既花都保持到水準，因為我特別要求加小百合，佢已經warn我小百合莖弱，怕易斷，但係一個星期後，o的小百合仲keep到好靚！我果日註冊用小百合頭花，好多人都話靚，好開心！
第二日都仲好靚︰
絲花襟花暫時未收到comments，但係我三朝回門見到屋企人都仲keep住。
吳先生好有交帶，真係俾番我訂o既顏色o既車俾我，而且BD前兩日已經話我地知司機o既資料，令我o地好放心。主車司機哥哥好有禮貌，亦好準時，仲準備o左幾樽水俾我o地。兄弟車未收到comments。不過響屯門公路上面，兩車配合令坐兄弟車o既攝錄師可以影坐響主花車o既我o地，駕駛技術好之餘，呢份默契同舉動令我好感動。
Calgel指甲 --- 造甲︰AP Nail (85分)
一生人一次，當然要靚，於是去到盡造立體花閃石甲。但係因為手指唔夠厚肉，指甲長就除唔到隱形眼鏡，於是要造軟身o的、可以自己剪o既Calgel甲。AP Nail造甲都造得幾靚，但係因為我BD前自己o的時間都爆哂，只可以響好早o既時間整，個妹妹仔一路整一路話眼瞓（因為佢老細要佢早返，但係都唔係淨得我一個客要咁早吖！）好似我欠o左佢咁，整果時唔開心囉！
折甲：旺角聯合廣場 La Nail (100分)
立體花真係整一次好啦！因為折甲果時好麻煩！要先磨走 o的立體花，然後再用soak off藥水包住o的指甲，最後就可以刮走o的gel，都幾麻煩！不過La Nail o既美容師好細心，折完仲幫我上番o的硬甲油，保護番o的指甲。
