結o左婚，係時候寫番蜜月旅行o既遊記啦！
上回提到，到o左馬爾他，酒店仲為我地準備o左香檳同朱古力。第二日一早起身，落酒店間餐廳食一個好豐富o既自助式早餐之後，就同Honey出去酒店外圍行o左一圈。
酒店外面o既地中海好大風大浪，石岸長期被浪花擊打侵食，出現 pot holes o既現象，好靚！
仲見到有人揸住架馬爾他特有o既有眼魚船Luzzu
然後我們出發到Valletta，乘搭的巴士亦是當地特產的橙黃色巴士
Valletta的巴士總站，是全國的交通樞紐，幾乎所有的巴士路線都由這裡散射出去。
終於到了馬爾他的首都啦！
牌上寫Valletta是個「A World Heritage City」一點都沒錯，馬爾他的確利用她的古蹟利用得非常好。香港成日講要活化、保育古蹟，學o下人地馬爾他啦！根本就唔需要又諮詢、又計劃咁，人地日日同古蹟建築物一齊生活，響裡面住，響裡面做生意，個個人日日都身體力行咁保育佢地o既地方，因為佢地知道，呢o的「舊o野」先係佢地勝人一籌o既地方，而且一旦破壞o左就整唔番！關於文物保育，馬爾他真係有好多o野值得我地學習，另文再講。
咁我地就行上去Upper Barrakka Garden，見到有架旅遊巴放o左一大群旅客出來，個個急急腳衝上去Fort Lascaris，我地都行快兩步，上去睇下乜事啦，點知未上到去，就聽到炮聲，群鴒亂飛，原來係Fort Lascaris放午炮，班遊客就係要去睇呢樣o野！
Upper Barrakka Garden附近的證券交易所，型！
Upper Barrakka Garden 門口
炮台
炮台對面係經常係明信片出現o既Fort St. Angelo
響呢度，特別覺得天大地大
放完炮，士兵清理炮灰
之後我地入城四圍行，見到英式郵筒，同香港以前o既一模一樣o架！因為馬爾他都曾經係英國殖民地。
仲有電話亭
街景一角，真係新 (Diesel 招牌同麥記) 舊融為一體，完全唔覺突兀o架！
來到Velletta，一定要去St. John’s Co-Cathedral同入面o既博物館，去過先知乜o野叫莊嚴。
馬爾他o既貴族係虔誠o既基督徒，會爭住死後葬響教堂入面，所以我地腳下面同側堂o既其實全部都係墓碑。
之後我地一路行到St. Elmo先有o野食，我要o左一個「地道美食」Timpana，似兩層薄餅中間夾住好多通心粉，超滯！
Honey就好穩陣咁要o左個牛肉卷
之後我地繼續沿住海邊行，見到有人翻新個木製露台，好colorful！
又入番Merchant Street，經過一間教堂，門外貼o左一句幾發人深省o既說話：
我地經過正在維修o既圖書館同皇后像廣場，但係廣場開o左茶座，皇后俾人遮住o左…
仲有一入城門就見到o既皇家劇院遺址
響St. John Cavalier旁邊，我地見到一棵五層樓咁高、真o既聖誕樹！
今日係聖誕節，順便祝各位聖誕快樂！
