2月21日開始，除原本上的西式插花班外，緊接上埋花球同花束禮品班。一口氣上三粒鐘，然後托三兜花返屋企，真係人都癲！
先講上個星期21號。插花班係玩大S，即係要用葵葉造出S形o既線條。但係葵葉都幾堅o架，要屈佢屈到想要o既形狀，真係需要剛柔並重！三枝葵葉屈極都屈唔到個形，o的葵葉都係直不甩。
之後係上禮品班，呢日係做花果籃。對菊花始終無好感，所以插到好平均咁。
第三粒鐘上花球，今日係最簡單、俾伴娘或者causal o的o既婚禮用o既小圓型玫瑰花球。油加利葉o的味真係…好特別。
2月28日o既插花作品有好靚o既紅色胡姬蘭，日式插法，效果幾好。
中段花束有康乃馨，可以送俾媽咪。
花球有顏色好靚o既黃心百合襯紫玫瑰同白胡姬蘭。自己結婚果時都有考慮過用呢個組合，但係瀑布型太長，唔o岩我。
睇清楚o的，拖尾枝玫瑰應該短返少少，同埋應該將下方其中一枝玫瑰放返長o的同調到拖尾︰
由新娘o既角度睇係咁o既：
後來發現其中一枝玫瑰有兩個心，有趣！
