用必理痛傷風丸同使立消力戰兩個星期，個唔知傷風定感冒都係唔斷尾。琴日終於掟起心肝去睇醫生。點知，醫生開o既都係使立消同必理痛，真係啤的一聲。
你睇o下！使立消只係響原盒上，貼張貼紙上去就算；必理痛仲係普通過普通果隻，真係醫生先做到o既就只有加開一日一粒o既抗敏藥Telfast-D。
原來隻Telfast-D係勁眼瞓o既！粒使立消都未溶哂，我就瞓著o左啦，都咪話唔誇張！
但係我瞓o左兩粒鐘就醒o左。除o左因為後山地盤鑽o野之外，仲有o的鸚鵡call同伴收工o既呱呱聲，嘈到死。
望住佢地，我突然發現半山區o既動物都係白色o既！鸚鵡係咁，連樓下o的貓都係咁。
(佢地多數夜晚出現，所以影出來好暗，仲偏黃o添。)
唔通半山區真係高貴o的！﹖但係「雪山白鳳凰」真係寡o左o的，我都係鍾意黃貓﹑斑紋貓多o的！
